شي برفع الضغط وبجيب الجلطة......

شي برفع الضغط وبجيب الجلطة......

كيف اقرأ واعطيني رأيك.........

*بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول:شو نايم

*لأ !! عم ارقص.. بس الوضع بيوحي إني نايم*

******************************************

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟*

*لا والله لساتنا عالطريق، في عجئة بشارع رفيديا*

******************************************

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،بيجي*

* حدا من أهلك بيسألك، شو رايحلك شي مشوار !!؟؟*

*لا والله طالع عالأسطوح صلّح صحن الديجتال*

******************************************

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه علائم الإستغراب والدهشة: بدك تحكي بالتلفون؟*

لأ شو إحكي !!! بس كنت عم جرب صوت طنة الأرقام *

******************************************

*حاطت راسك ونازل بهالكتب والدراسة، بيجي أبوك أو امك...: عم تدرس؟*

*لا والله ...!! عم غير زيت للسيارة*

******************************************

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب *

*لا والله بالعادة بفكر العب شدة وماروح لعندهم *

**********************************************

نفس المذيعة بتشوف ولد بالشارع وبتساله؟حبيبي بتحب بابا وماما؟‎!!

لا مابحبهم ,وما بطيقهن , بحب البوسنة والهريسك ... يعني اكيد بحبهم


******************************************



*بتطلع بالباص وبتحط هيك وبتطلع (خمسة شيكل)وبتعطيها للسواق الي ئدامك، وبكل برودة بيئلك: واحد ؟*

*لأ 60 واحد ؟ ورجعلي الباقي **

********************************************

*أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*

*لأ ... عندي 10 طلبيات، بس وقفت حيونة*

**********************************************

*بدك تنزل من الباص: عاليمين .... بتتلقى الرد: نازل ؟؟*

*لا والله بس عم جرب صوتي*

انتظر ردوووووووووووووووووووووودكم لا تبخلووووووووووووووو فيها

هههههههههههههههههههههههههههههههههههههههههههههه
يخرب عقلك..ههههههههههههههه حلوه حلوه تفطس من الضحك
تسلمي والله... الله لايحرمنا من هالمواضيع ..
تسلمي يا احلى اخت

هههههههههههههه وانا كمان فقعت من الضحك عليها بس قراتها...
شكراااااااااااااا لمرورك يا احلى اخ

ههههههههههههههههههههههههههههههههه
حلللللللللللللوه
تسلمي ياعسل

العفوووووو يا قمر...منورة

حلو كتير يسلمو

ولا كمان نسيت لما يكون دكر يحاول يحكي معك بيقول شوحلوة تجنن

اكيد لو موكنت حلوة ماطلعت من البيت

ههههههههههههههه صح يا هدى...
.. حلوة
شكراااا لمرورك الحلو..منورة